سشوار تسريحات مكياج بديكير ومنكير والأهم من هذا كله الأسعار مجانيه ...
جاء الصيف .. وبدات الإجازه وكثرت المناسبات .. وصالونات التجميل صارت أنواااع الزحمات .. وعلى غير سنع .. مو كلها لكن أغلبها
حبيت يكون فيه موضوع نستفيد منه ونتعلم من خبرات البنات
طبعا هدفي من الموضوع :
ان يكونوا mrame girls يصيرون بيرفكت بالمكياج والشعر وبكل شي
على فكره .. أنا بحياتي كلها ماقد رحت صالون تجميل علشان أعمل مكياج أو تسريحه لشعري أنا أعمل كل شي بنفسي .. اروح الصالونات اقص او اصبغ أو أظافر يعني الاشياء البسيطه ولأني أكره الزحمات فا ما أتخيل نفسي بيوم ويكون عندي مناسبه وأنا متكيه بالصالون انتظر يجي دوري
والموضوع مرررره سهل بس يبغالكم شوية تركيز وكمان تتعلمين بعض القواعد الأساسيه .. وصدقيني مافيه أي كوافيره بتفهمك أكثر من نفسك أو تعرف وش اللي يدور فذهنك وايش اللوك اللي حابه تكوني عليه
***********
بالبدايه أبغى كل وحده تتخيل معي أنها اليوم عندها مناسبة زواج أوكي .. راح اقولكم وش اللي المفروض تعملونه .. من مكياج وشعر وبشره وكل حاجه
أول شي .. اول ما تقومين من النوم أكيد عالظهر .. سوي تنظيف لبشرتك واستعملي أي مقشر اللي متعوده عليه .. أنا أستعمل (( كلين اند كلير )) مررره روعه بعد ما تخلصي من تنظيف بشرتك حطي ماسك طبيعي على وجهك .. الهدف من الماسك .. أنك تنشطي البشره وتهيئينها للمكياج .. علشان ما يكون وجهك بالزواج باهت وذبلان .. أو ناشف
بعد كذا خذي شور وضروري تحطي بشعرك بـــلسم .. لأنك راح تعملي لشعرك سشوار والبلسم ممتاز للسشوار ولا تنسين تحطين على شعرك (( سيروم )) قبل السشوار علشان يحميه من حرارة السشوار
أنت الى الأن ما حددتي تسريحة شعرك ولا قررتي كيف بتعملي شعرك لكن ضروري تعملين سشورا .. بعد السشوار لفي شعرك رولات .. زي اللي بالصوره
***************
بعد كذا على حسب المناسبه اللي رايحه لها متى بتبدأ .. لو بتروحين عالساعه 10 أو 11 لازم من المغرب تتجهزين .. علشان يمديك تخلصين بدري المهم بعد ماتلفين شعرك رولات .. تبدأين بالمكياج ..
طبعا انت عملتي تقشير لوجهك وحطيتي ماسك يعني بشرتك صارت روعه قبل المكياج ضروري ضروري تحطي كريم ترطيب قبل المكياج وتلاقيه عند فيسزز وبكل ماركات المكياج متوفر بعد الترطيب تحطي البيس على وجهك وتختاري كريم اساس يناسب لون بشرتك و وزعيه على وجهك .. بعد كذا الكونسيلر علشان لو كان عندك عيوب بالبشره بتخفينها أو بتصغرين مناطق او بتكبرينها و استعملي فرشاة الدمج علشان تعملي توزيع متقن للي على وجهك بعد كذا استعملي أي بودرة تحبين فيه أنواع فيها لمعه وفيه أنواع عادي على حسب رغبتك ..
بعد ماتخلصين أبدأي بمكياج العين
قبل ما تحطي الأي شادوا .. استعملي مثبت مكياج العين .. أنا أستعمل مثبت من ميك أب فور ايفر وهذي صورته ..
مررررره روعه تحطي منه نقط بسيطه على طرف اصبعك وتدهني فيه جفن العين وتتركيه ثواني بس ينشف .. وبعد ما ينشف ابدأي المكياج .. ضروري تستعملينه لأن مع الأجواء الحاره يسيح مكياج العين فا هالشي ما يخليه يسيح ابدا حتى بالمويه ما يروح .. بس لاتخافون يجي معاه مزيل لمكياج العين وهذي صورته ..
بعد ماتخلصي من الاي شادو.. تبدأين بالأي لاينر .. والماسكارا .. ولو كنت حابه تركبي رموش
اخر شي تبدأين برسم الحاجب .. بالتاتو فيه نقطه مهمه .. لازم تنتبهون لها .. لما تعملي حواجبك .. انتبهي تلونينها تلوين كن اللي قدامك كراسة رسم .. لأ بزاوية الفرشاة المخصصه للحواجب .. اعملي زي ضربات خفيفه بالريشه أو خطوط صغيره وعبي فيه الفراغات اللي بين الشعر ... اما غير كذا بيطلع شكلهم بشع .. وهذي صورة التاتو اللي استعمله ..
حبيت النوع هذا أكثر من اللي يجي زي المرهم .. لأن حسيت هذا ثقيل ويطلع الحاجب طبيعي أكثر وما يعمل طبقه على الحاجب ..
******************
وبكذا نكون خلصنا من مكياج العين .. نبدأ بالأرواج .. بما أننا رايحين مناسبة زواج لازم ما نستعمل أي نوع من الأرواج .. لازم نختار نوع يكون يثبت لمده أطول .. قبل ما نبدأ بوضع الروج على الشفايف ... ضروري نعمل ترطيب للشفايف فيه مرطب من ميك اب فور ايفر انا مستحيل استغني عنه وهذي صورته ..
طبعا ما تكثرين منه زي لما تحطي قلوس .. لأ بس تحطي شي بسيط علشان يرطبلك شفايفك .. بعد كذا تختارين محدد شفايف يكون من نفس دجة الروج .. وتبدأين ترسمي شفايفك وتلونيها كامله بالمحدد .. مو بس الاطراف لأ لونيها كامله .. وضروري يكون من نفس درجة الروج بعد كذا خذي الفرشاة المخصصه للأرواج ولوني شفايفك فيها .. ولو حبيتي تضيفي قلووس بعد الروج هالشي راجع لك ..
بعد ما خلصنا من الشفايف .. يجي دور البلاشر اختاري لون يناسب بشرتك ويناسب لبسك ومكياجك .. ونقطه مهمه .. شايفه العظمه اللي تحت العين .. انتبهي تحطي بلاشر عليها من ايميلي تابع<<<<<<<<<<<<<<<<<<<<<<<<<
الماجد المدير
عدد المساهمات : 2412 تاريخ التسجيل : 12/04/2008 الموقع : https://algorashi.hooxs.com
يتبع********************<<<<<<<<<<<<<>>>>>>>>>>>> العين .. انتبهي تحطي بلاشر عليها بتطلعين كنك مهرج خخخخخخخخخخخ لازم البلاشر يكون فقط بالمنطقه اللي بين الشفايف والأذن .. يعني بين الشفايف والبلاشر لازم يكون فيه مسافة 2 الى 3 سم
اللمسات الأخيره ... لو حبيتي تستعملي جلتر تحت الحاجب بيطلع مره حلو انا استعمل الجلتر من ماك ومن ميك اب فور ايفر
اخر شي بعد ماتخلصين من المكياج كامل .. رشي السبري الخاص بتثبيت المكياج علشان ما يسيح عليك بالحر ابدا
**************** نجي اللحين لليدين ... طبعا لازم تكون أظافرك تمام ويدينك مو ناشفه ولا مقشره .. وهالشي تكونين من زمان متعوده تعتنين فيه .. المهم تختارين لون مناكير يناسب لبسك .. ولو حبيتي تحطينه قبل المكياج براحتك بعد ما تحطي المناكير .. لو حبيتي تعملي رسمه على اظفرك او تحطي ستراس نعوووم بيطلع مره حلو .. أنا تعجبني اليدي لما تكون مررررره ناعمه والأظافر مرتبه وفيها مناكير .. وتكون أحلى لو رسمتي على اصبع واحد أو اصبعين كفايه ..
****************** اللحين خلصنا مكياج وأظافر نجي للشعر بعد ما عملناه رولات .. أول ما تفكيها بيطلع شكله وااااااااااااو لو حبيتي تستعملي الفير وتلفينه زياده .. براحتك اذا بتتعلمين حاولي تتدربين وتعملين تسريحات لشعرك >>>> هبلت بنت اختها من كثر التجارب
جربي كل التسريحات .. والله سهللللللللللله بشكل ما تتخيلونه انت وقفي قدام المرايه .. وارفعي من هنا ونزلي من هنا .. وجربي اكثر من شكل .. مره حطي كلبسات ومره فوينكات ومره أطواق لين تصير عندك خبره بشعرك وبوجهك .. وتصيرين تعرفين وش الحلو عليك .. وايش اللي بيطلك مره حلوه
************************
بعد ماتخلصين من شعرك شي ضروري تعملينه وللاسف كثييييييييييييييييير بنات ما ينتبهون للنقطه هذي فا يطلع شكلهم بشع وهي توحيد لون الجسم قبل ما تلبسين ملابسك .. ضروري تحطي كريم اساس على جسمك مو كله .. بس الأماكن اللي تكون طالعه .. (( الرقبه .. اليدين .. الرجل لو كان الفستان قصير .. الظهر )) ونستعمل الاسفنجه بتوزيع كريم الاساس مش بالفرشاة .. حتى لو كانت بشرتك بيضاء .. على الاقل حطي على جسمك بودره خفيفه لو ما تحتاج كريم اساس
بقولكم على أخطاء كثير أشوف البنات يعملوها علشان تنتبهون لها :
_ وحده تروح للزواج وهي مخبصه الوان المكياج وألوان ماتناسب بشرتها ولا لبسها
_ الوجه يكون لون واليدين والرقبه لون ثاني
_ تلون حواجبها بطريقه بشعه أو تشقرها بلون اصفر بشع تطلع كنها وحش لو قربتي منها
_ فيه بنات يروحوا الصالون ويعملو مكياج وااااو والشعر روعه وكمان الفستان لكن لما تشوفي يدينها .. تلاقي الاظافر واحد اطول من الثاني واللي مكسور وحالتهم حاله
_ حلو لما تختاري عطر مع بخور بشرط تطلع ريحة العطر مع البخور حلوه .. لأن فيه ناس تستعمل ريحة عطر + بخور ومرره الريحتين ما يجون مع بعض فا تطلع ريحتها زي العجايز
_ اكسسوار الشعر كل ما كان كثير كل ماكان بشع .. لازم نعرف متى يكون الشعر بحاجه لاكسسوار ومتى ممكن نستغني عنه .. وهالشي يعتمد على الفستان والمكياج
طبعا استحاله اقول لكم لاتروحون صالونات أبدا أكيد ما نستغني عنها .. عن نفسي أروح اعمل تنظيف بشره أو اقص شعري أو أصبغ لأن هالامور تحتاج لخبره ودراسه وتعملها أخصائيه أكيد افضل لكن فيه أمور كثير ممكن نتعلمها احنا ونستغني فيها عن الكوافيره
وألاحظ كثييير بنات ما يهتمون بقص شعرهم .. حتى لو كنت حابه يكون شعرك طويل حلو تغيرين باللوك وهو طويل .. مره تغيرين باللون .. لأن أحس القص يعطي تجديد للشعر .. وكثير من خبراء التجميل ينصحون بالشي هذا .. فا لما تروحي الصالون .. اختاري قصه تناسب وجهك مو شرط تكون موضة الموسم .. أهم شي قصة شعر تطلعك حلوه .. وكمان كل ما غيرتي باللوك كل ما جددتي بتسريحات شعرك .. لأن كل قصه لها تسريحات خاصه فيه غالبا .. فا ماراح تملين من شكلك
********************** نصائح من Miss_Cherie :
لما تبغي تتعلمي المكياج .. لازم تكون عندك عدة المكياج كامله .. لك ولخواتك كل الدرجات علشان تفتحون صالون بالبيت خخخخخخخخخخخخخ وعلشان تتدربين عليهم وتتعلمين .. وكمان تعلميهم اللحين انا وبنت اختي نعمل لبعض بالمناسبات .. استحاله نجيب كوافيره أو نروح لها .
فا ضروري تكون عندكك كل انواع المكياج وكل الألوان وكل الدرجات اللي تناسب بشرات العائله علشان تتعلمين عليهم
الشي الثاني .. فيه مراكز تجهيز الصوالين عندهم انواع شادوا والأي لاينر مرررررره روعه زي الشادو اللي بالصوره
وكمان تلاقين عندهم أشياء مرررره رهيبه .. وجودتها عاليه أكثر من المكياج الشخصي اللي نشتريه من المحلات .. لكن لو ما قدرتي توفرينها ممكن تشترين من هنا وأنصحك بمكياج (( ميك اب فور ايفر + ماك + نارس ))
بالنسبه لفراشي المكياج .. لازم يكون عندك مجموعه كامله لجميع الأنواع كمان لازم تعرفي وظيفة كل فرشاة
ونفس الشي للمناكير .. اتعلمي كيف تعملي فرنش مانكير لوحدك لأن هو أرقى شي وعاليدين مرررره خطير .. خصوصا لو رسمتي على اظفرين من يدك .. فيه عند محلات تجهيز الصوالين .. جهاز للرسم على الأظافر فيه كل الألوان ومعاه زي قلم ترسمين بكل حريه وسهوله .. وتحطي ستراس ورسمات زي ماتحبين
وبالنسبه للشعر .. لازم تعرفي كيف تمسكي السشوار صح ايش الجل اللي يناسب شعرك وايش احسن نوع سبراي وتكون عندك خبره بالأجهزه اللي تعمل شعرك ويفي أو ستريييييييت أو كيرلي وكله مره سهله وتتعلمينها من أول تجربه .بس أنت أعطي نفسك فرصه أنك تتعلمين
ووبالنسبه لمنتجات الشعر (( ويللا + لوريال )) التوب يعني لا تدورين غيرهم سواء من سبراي للشعر أو أقنعه أو شامبو أو بلسم .. صبغات .. كريمات عنايه .. وكل شي
هذي بعض المعلومات اللي عندي .. ان شاء الله تكونوا استفدتوا منها ..
*******************
طبعا حبيت افتح الموضوع هذا .. ويكون زي الصالون لنا .. نتبادل في خبرات بعض أتمنى كل وحده تقول لنا عن : تجاربها مكياج تنصحنا فيه تسريحه حلوه وسهله او شي مستحيل تستغني عنه بمكياجها كيف تتجهزون لما تكون عندكم مناسبه ايش نوع سشوارك .. أو أي جهاز حابه تفيدي البنات فيه أو مستحضر تجميلي مجربته
زي ماقلت لكم .. نبغى نتعلم من بعض .. كيف ممكن نستغني عن صالونات التجميل الا للضروره ..
لكم كل الحب
Miss_Cherie من ايميلي
ضباب الهدا مشرف المنتدي
عدد المساهمات : 960 تاريخ التسجيل : 09/05/2008 العمر : 54
موضوع: رد: صالون mrame girls للتجميل الإثنين يوليو 21, 2008 12:25 am
الخميس يوليو 17, 2008 8:05 pm
