الماجد
المدير
عدد المساهمات : 2412
تاريخ التسجيل : 12/04/2008
الموقع : https://algorashi.hooxs.com
 | موضوع: رحلتي إلى أوروبا - جنيف + ميلانو - الجزء الأخير  الإثنين يوليو 28, 2008 2:02 pm | |
| السلام عليكم ورحمة الله وبركاته
عن أبي الدرداء رضي الله عنه أنه سمع رسول الله صلى الله عليه وسلم يقول : (ما من عبد مسلم يدعوا لأخيه بظهر الغيب إلا قال الملك ولك بمثل) .. وعنه صلى الله عليه وسلم انه قال : (دعوة المرء المسلم لأخيه بظهر الغيب مستجابه , عند رأسه ملك موكّل كلما دعى لأخيه بخير قال الملك الموكل به : آمين ولك بمثل) .. العم محمد (أبو سعد) عبد مؤمن .. ماتعرفه ولا يعرفك .. انقطع عمله من الدنيا .. وانتقل إلى جوار الرب جل جلاله بعد معاناة مع المرض .. دعوه خفيفه قد تحتقرها او تستصغرها .. لكن أنا متأكد انه مستعد يشتريها بالدنيا كلها .. لذلك لا تحرم شخص محتاج من شئ لن يكلفك لا مال ولا أدنى جهد ... افعلها لانك عاجلا او آجلا بتكون في نفس وضعه .. ويمكن تكون محتاج للدعاء أكثر منه .. وربما تجد من يدعي لك وهو ما يعرفك مثل ما دعيت للشخص هذا اليوم .. القرار بيدك انت .. اغلب شيطانك واذكر الموت واستشعر حاجته لدعائك .. وأرجوا من الله أن يرقق قلب من يقرأ هذه الكلمات .. وأن يغلبه على نفسه وشيطانه
: من دعاء النبي صلى الله عليه وسلم للميت
اللهم اغفر له وارحمه , وعافه واعف عنه , لقّه الأمن والبشرى والكرامة والزلفى , اللهم إن كان محسناً فزد في حسناته , وإن كان مسيئاً فتجاوز عن إساءته , اللهم اغسله بالماء والثلج والبرد , نقه من الخطايا كما ينقى الثوب الأبيض من الدنس , أبدله أهلاً خيراً من أهله , وداراً خيراً من داره , وجيراناً خيراً من جيرانه , اللهم لا تحرمنا أجره , ولا تفتنّا بعده , واغفر لنا وله
جنيفالوصول : 24 - 8 - 2008
المغادره : 27 - 8 - 2008
Mercure Annemasse Porte De Geneve : الاقامه
للاطلاع على الاجزاء السابقه
رحلتي إلى أوروبا - فيينا - ج1
رحلتي إلى أوروبا - فيينا - ج2
رحلتي إلى أوروبا - سالزبورغ - ج3
رحلتي إلى أوروبا - زيلامسي - ج4
رحلتي إلى أوروبا - انترلاكن - ج5
رحلتي إلى أوروبا - لوزان - ج6
رحلتي إلى أوروبا - جنيف - ج7بالنسبه لهذه السلسله .. فإنها مكتوبه مسبقاً إلى آخر جزء .. ومحتفظ فيها في الهارد دسك .. وكنت قبل لا انشر أي جزء .. أعيد تنقيحه وأفرز الصور وكذا .. لكن الهارد دسك عندي ضرب .. وفقدت جميع المعلومات اللي فيه .. والتقارير راحت كلها ..وراح اللي أهم منها بعد ... ولا أخفيكم اني حزنت عليها حزن شديد .. وحاولت بشتى الطرق اني استرجع المعلومات المفقوده لكن ما استطعت .. والحمد لله على كل حال .. وبالنسبه للتقارير اللي فقدت .. فقد كانت رحله إلى جنوب فرنسا (نيس - كان - موناكو) ..كذلك رحله إلى مدينة ليون الفرنسيه .. واخيراً رحله إلى ديزني وباريس .. وتقرير خاص بمتحف اللوفر في باريس .. وهذا التقرير بالذات هو أكثر تقرير زعلت عليه .. وكم تمنيت انه يُنشر .. ما أود قوله أن هذا التقرير سيكون الخاتمه لهذه السلسه .. تمنيت اني اكملها معكم .. لكن الله قدّر خلاف ذلك.. بسم الله نبدأالجزء الماضي تكلمت عن أحداث اليوم الأول في جنيف .. في هذا الجزء الخوي قرر يروح ايطاليا وميلانو تحديداً .. عشان يحظر مباراة انترميلان مع اودونيزي في افتتاح الدوري الايطالي .. والخوي لمن لا يعلم .. نصراوي برشلوني انتراوي الميول .. وكان من ضمن احلامه حضور مباراة لبرشلونا او الانتر .. لذلك تم الاتفاق على انه يروح وانا ابقى في جنيف .. لذلك سيكون محتوى هذا الجزء مقسوم لقسمين .. يوم في جنيف ويوم في ميلانو .. الخوي حجز بالقطار من جنيف لميلانو الصباح .. بـ 70 يورور تقريبا .. والعوده في نفس اليوم على الساعه 7 او 8 المساء .. ومدة الرحله 4ساعات تقريبا
ميلانو ايطاليااتفقنا أنا والخوي على انه لما يصحى من النوم ياخذ السياره ويوقفها في محطة القطارات في جنيف .. ويركب قطاره ويروح .. عشان اذا رجع يجي في السياره على طول .. وأنا راح ادبّر نفسي .. وهذا ما حصل .. ولما صحيت من النوم لقيت رساله في جوالي من الخوي يقول فيها انه ركب القطار وطالع في الطريق ... وانا متأكد انه وقتها كان متشقق على الآخر .. وهذي محطة القطارات اللي نزل فيها في ميلانو .. تحس انه نازل في ورشة حداده  الخوي طلع الصباح .. ووصل ميلانو على العصر .. ركب التكسي وقال له على السان سيرو لو سمحت ياسطه هذا راعي التكسي  راعي التكسي هذا اسمه توني .. والعياره حقته سوبر ماريو .. عنده مطعم عائلي يقدم فيه اكل ايطالي .. ويكون في نفس الوقت واجهه يعقد فيها صفقات المخدرات وكذا .. واثنين من اولاده قتله مأجورين .. عشان يستعملهم في التخلص من الأعداء .. واخوه محامي .. عشان يطلّعه منها لما تكبس عليه الحكومه ... وجهه من النوع الصغير المدوّر .. وصاحب هذا النوع من الوجيه , يولد مجرم بالفطره .. بعدين ممكن ينصلح حاله على حسب الظروف والمحيط اللي يعيش فيه .. شنبه موجود منذ الولاده وغير قابل للحلاقه .. الكحول داخله ضمن تركيبة دمه الأساسيه بنسبه لا تقل عن 30% .. يعني لو يطيح فيه مصاص دماء كان سكر .. عيونه صغيره لكن نظراته ثاقبه .. والكاريزما حقته عنوانها الرئيسي يهمس في اذنك ويقول .. خلك بعييييييييييد ياشاطر .. الشخص هذا - بعيد عنكم - مطلوب في اكثر من قضيه قتل وسلخ وتهريب وتعذيب وتنتيف .. لكن ما قدروا يمسكون عليه شيهذي بوابة السان سيرو الجو في ميلانو كان شديد الحراره على حسب كلام الخوي .. ويُلاحظ العدد كبير من الجماهير الايطاليه اللي لابسين فنيلة النصر العالمي .. وفيه واحد كاتب ماجد في قلوبناالمباره حماسيه والجمهور مستمتع والله يخزيك يا شيطان اللاعبين بدؤوا في الاصطفاف والمباراه ستبدأ بعد لحظات .. لكن قبل لا تبدأ المباراة .. المنظمين قاعدين يشاورون اعمارهم .. كانوا طفشانين ويبون يوقفون دقيقة صمت على أي أحد .. شافوا من هنا وهناك .. مالقوا احد من اللي ماتوا مؤخّراً يستاهل .. لذلك صرفوا نظر عن الفكره  شوف الشعارات والاعلام .. كذلك واضح ان المروّجين قاعدين يلعبون لعبتهم الكبيره المنطقه هذي ما يقعد فيها الا مدمن .. لانها منطقة الترويج المفضله .. بما انها صادّه ومحد حولك .. والزوايا فيها كثير .. والمدمنين يقدّرون الزوايا لوحة الملعب في خاطرها كلام تبي تقوله زانيتي يعطي التوجيهات الاخيره .. وكان ينادي عليهم زملاااااااي زملااااااااي .. اذا غفلوا عنكم .. طبقوا خطّة الكماشه .. واركدوا والعنوا الشيطان .. والله الله في زملاكم ثم هالله الله في زملاكم .. كل واحد يناول لزميله اللي جنبه .. ولحد يضرب الحكم .. واذا خلصت المباراه ترا عشاكم عندي يالربع .. قولوا تم .. انتوا زملاي وتستاهلون .. الله الله الزميل كروز متحمس  وهذي هجمه خطيره الزميل فيجو متمركز ويطلب الكره من الزملا .. لكن محد ناول له فيجو زعل وقال الشرهه على اللي يلعب مع مبزره .. سود الله وجيهكم من زملا  الزملا يحاولون يطبقون خطة الكماشه لان زميلهم زانيتي ازعجهم  مانشيني غير الخطه الى 8 وسط .. و 3 مهاجمين .. وآخر واحد يحرس الزميل فيقو انحسر ويبي يروح دورة المياه الله يكرمكم .. والزميل زانيتي يصارخ عليه يقول لا تخرّب خطة الكمّاشه يازميل رقم 7 .. زميل رقم 7 .. يا ورع .. لكن الزميل ما اعطاه وجه جماهيرية الفريق وكونه احد اقطاب مدينة ميلانو .. بالاضافه الى فضاوة الشعب الايطالي وارتفاع نسبة البطاله .. كل ذلك أدى الى حضور هذا الكم الكبير من الجماهير المفاصيخ احب اطمّن الاخوان الانتراويه ان خطّة الكماشه نجحت .. والزملا جابوا قول عموما يا فرحه ما تمت .. لأن المباراة انتهت بالتعادل .. والناس ذبحهم الحر .. وراحوا بيوتهم .. والخوي فضّل انه ينتظر شوي .. ويلتقط بعض الصور .. ولاحظ ان الخوي كان في أقصى حالاته الكرويه ... ما ترك علم الا ولبسه .. ما ناقصه الا كوره يسنّد عليها رجله زي الكابتن ماجد .. تحس انه من هالمهبولين اللي يطوفون العالم على سيكل او منطاد .. اللي معهم اعلام كثيره وملزقين على اعمارهم ستيكرات وطوابع وشغلات ولاحظ شال النصر اللي شراه من الفانز ستور حق السان سيرو .. نعم .. موجود هناك .. لانه فريق عالمي وكل العالم تعرفه .. واعلامه تباع في اي مكان في العالم بجانب اعلام ريال مدريد وليفربول ومن على شاكلتهم من الفرق العالميه .. فيما غيرهم اكبر همّه يجيب الدوري السعودي وكنه جايب كأس العالم .. ويتبجّحون بعدد البطولات اللي من بينها بطولة حليب السعوديه وسن توب وسريلاك وتايد وبف باف .. مادري وين يطيحون على هالبطولات .. الظاهر انهم يلعبونها في مواقف بنده .. والمشكله على عدد بطولاتهم لو تجيب واحد من الكويت .. من قريب يعني .. وتسأله عن الفريق هذا .. ماراح يعرفه .. وفيه نقطه ثانيه .. ياخي يموتون على لقب (عميد لاعبي العالم) .. لدرجة ان الفيفا يفكّر يغيّر اللقب الى (عميد لاعبي العالم غصب) .. كذلك يحبون يعدّون اغراضهم وشغلاتهم .. ويروحون يفتخرون فيها .. مثل اكثر لاعب سنتر .. اكثر حارس خبط في العارضه .. اكثر لاعب يطيح .. اكثر لاعب يدور على نفسه .. اكثر لاعب يراكض .. واحس انهم لولا الحيا كان قالوا احنا اكثر نادي فيه لمبات .. اكبر حوش .. اكبر بوابه .. وهكذابدأ العاملون في تنظيف الملعب والخوي مازال موجود  الشباب خلصوا شغلهم ويبون يقفلون الملعب .. لكن مستحين من الخوي ياحي من زار وخفف يالخوي وهذا الفانز ستور حق السان سيرو .. وطبعا ما يبيع الا لقطبي مدينة ميلانو .. الانتر والميلان .. والنصر بعد .. كضيف شرف عالمي الخوي ولله الحمد طلع من الملعب .. واتوقع انه ما طلع برضاه .. ويقال ان فيه ناس شافوه يهرب ووراه واحد يلحقه بالشبشب ويقول اطلع برا يا كلب .. ما علينا .. المهم توجّه للسنتر .. وابي اقول شغله .. انا مارحت مع الخوي ميلانو .. لكن لما شفت الصور .. تأكدت ان ابناء البلد هذي .. الفن يمشي في دمهم .. ابتداء من رعيل الفنانين الاول .. انتهاءاً بالوقت الحاضر .. طول عمر الايطاليين متربعين على قمّة الفن بجميع أشكاله ... وهم أسياده بلا منازع .. وانا من وجهة نظري ان الايطاليين هم اكثر ناس في العالم تفهم في الفن وتتذوقه .. والفن داخل في تفاصيل حياتهم بشكل كبير .. اخليكم مع الصور التي التقطت في الساحه الأشهر في ميلانوشوف الحمام    وهذي كاتدرائية الدومو [size=16] وهذا سوق فيتوريو ايمانويل كما عرفت من النت .. طبعاً ميلانو مدينة الموضه .. وهذا اشهر سوق في مدينة الموضه .. واذا بتروح ايطاليا لا تشتري الا من ميلانو ومن هذا السوق بالتحديد .. التمثال في الصوره اعجبني مره .. واعجبني اكثر موقعه .. وتمنيت اعرف لأي شئ يرمز وهذي صوره أخرى للسوق شوف التصميم الداخلي للمبنى .. وشوف كيف انهم مهتمين بالتفاصيل اهتمام كبير .. شوف التماثيل بين الشبابيك .. وشوف اللوحه اللي فوق في الزاويه .. وشوف التمثالين على يمين اللوحه ويسارها .. وشوف الزخرفه اللي على القوس فوق اللوحه .. يعني أماكن تتضائل احتمال انه احد ينتبه لها ويشوفها .. ومع ذلك يعطونها حقها بشكل كبير جداً .. بل تكاد تكون أجمل ما في البناء .. وأنا صحيح اني اتكلم عن هذا المبنى تحديداً .. لكن هذا الفكر المتّبع في البناء - أي الاهتمام بالتفاصيل بغض النظر عن موقعها او حجمها , وإضفاء اللمسات الجماليه - موجود في كل المباني التاريخيه او القديمه في أوروبا  وشوف الأرضيه بعد من الرخام المفتخر وهذا تمثال دافنشي .. مافيه منه الشخص هذا .. بتاع كلو .. فنان ومخترع وله في التشريح والهندسه الميكانيكيه و و و .. يعني لو عاش شوي كان يمكن يصير طيار صور عامه للمدينه  الخوي مع شارون | |
|
الماجد
المدير
عدد المساهمات : 2412
تاريخ التسجيل : 12/04/2008
الموقع : https://algorashi.hooxs.com
| | موضوع: رد: رحلتي إلى أوروبا - جنيف + ميلانو - الجزء الأخير الإثنين يوليو 28, 2008 3:37 pm | |
| | |
|
