هي قصيدةولكنها مؤلمة قرأتها, ورأيت أن أنقلها لكم لما تحويه من العبر والحزن..؟.

يامسندي قلبي على الدوام يطريك

ما غبت عن عيني وطيفك سمايـا

هذي ثلاث سنين والعيـن تبكيـك

ما شفـت زولـك زايـر ياظنايـا

تذكر حياتي يوم أشيلك وأداريـك

وألاعبك دايمـا وتمشـي ورايـا

ترقد على صوتي وحضني يدفيـك

ما غيرك أحد ساكن فـي حشايـا

واليا مرضت اسهر بقربك وأداريك

ما أذوق طعم النوم صبح ومسايـا

ياما عطيتك من حناني وبأعطيـك

تكبر و تكبـر بالأمـل يـا منايـا

لكن خسارة بعتنا اليوم وش فيـك

وأخلصت للزوجة وأنا لي شقايـا

أنا أدري إنها قاسية مـا تخليـك

قالت عجوزك مـا أبيهـا معايـا

وخليتني وسط المصحة وأنا أرجيك

هذا جزا المعروف وهـذا جزايـا

يا ليتنـي خدامـة بيـن أياديـك

من شان أشوفك كل يوم برضايـا

مشكور يا وليدي وتشكر مساعيك

وادعي لـك الله دايـم بالهدايـة

حمدان يا حمدان أمـك توصيـك

أخاف من تلحق وتشوف الوصايا

أوصيت دكتور المصحة بيعطيـك

رسالتـي وحروفهـا مـن بكايـا

وإن مت لا تبخل علي بدعاويـك

واطلب لي الغفران وهـذا رجايـا

وامطر تراب القبر بدموع عينيـك

ماعـاد ينفعـك النـدم والبغايـا

الله يجعلنا بارين بوالدين يارب ولا تبلان يارب

اوصيكم ببر الوالدين
وارجو منكم الدعاء لوالديتي برحمه والمغفره واللجنه ان شاء الله