الخال أوباما ... في مهب الريح !!

الفصل الأول :

المكان : بوركينافاسو .
الساعة : 4,36 عصراً .
طوووووووووووووط طووووووووووووووووووووووووط
د.جنط السفينة : ألو هلا.
ورقة بلوت : هلا والله بالجنط .. وشلونك يابعد تسبدي ؟
الجنط : بخير جعلك بخير .. من معي ؟
ورقة بلوت : معك حبيبك السابق ورقة بلوت .
الجنط : حبك برص إن شاء الله .
ورقة : أفااا .. وراه يابعد تسبدي ؟
الجنط : عسى تسبدك تنشق .. مانيب قايل لك لا عمري أشوف رقعة وجهك ولا عمرك تتصل علي ، أنا هالحين هاجن لخوالي في بوركينافاسو عشان ما أشوف وجهك يالشين وأنت تلاحقني .
ورقة : أنت في بوركينا ؟ .. أجل احترني باتسر .
الجنط : والله لو تجي لأرسل لك عشر خوال يقطعونك تقطيع ثلاجة .
ورقة : أفاا .. يابعد تسبدي وراك علي ؟ خل نفتح صفحة جديدة ...
طوط طوط طوط طوط
إن الهاتف المطلوب لايمكن الاتصال به ..الآن نرجو محاولة الاتصال في وقت لاحق << قفل جواله الجنط
إن الهاتف المطلوب لايمكن الاتصال به ..الآن نرجو محاولة الاتصال في وقت لاحق
إن الهاتف المطلوب لايمكن الاتصال به ..الآن نرجو محاولة الاتصال في وقت لاحق << للحين يحاول الشين
إن الهاتف المطلوب لايمكن الاتصال به .. وتراك أزعجت أمنا ياورقة بلوت لاتحسب إننا متوظفين عشان نرد عليك أنت ووجهك .

المكان : بوركينافاسو .
الساعة : 10 مساءً .

طووووووووووط طوووووووووووووووووط
الجنط : هلا والله .
ورقة : هلا يابعد تسبدي .. تكفى لاتقفل الخط ترى توي شاحنن بطاقة سوا بعشرة أريل متسلفهن من خالتي رقية كله علشان أشنف أذاني بصوتك .
الجنط : ياليت والله من شنف أذانك بموس حلاقة لما يصير راسك بدون أذان تقل بريدز ( بريق ) .
ورقة : أصير لك دلة إن بغيت .. بس لاتصير قاسي .
الجنط : والله صايرن تقول كلام زين ( أشنف أذاني بصوتك ) و ( لاتصير قاسي ) شكلك متعرفن على وائل ذاك الي ساكنن بآخر الشارع ، تصدق ذاك اليوم مريت من جنبه وهو يكلم بالجوال مير أسمعه يقول للي يكلمه : ( آز يو لايك ) عاد أنا ما أدري وش معنى (آز يو لايك) بس أتوقع إن معناه (ألعن أبوك) << تكفى لا عاد توقع
ورقة : لا والله .. بس الحب لعب بحسبتي وليّن قلبي .
الجنط : أقول لا يكثر بس لأهفك بالشاحن .. يالله اندزلع .
ورقة : والله ما تدري عني يالجنط .. لو تشوف وش صار علي يوم تقفل الجوال بوجهي العصر .. قعدت أصيح همن انشقت قريحتي وكتبت قصيدة همن رحت لبيت خليل كنداسة عشان يغني لي القصيدة.
الجنط : خخخخخخ للحين حي خليل كنداسة ؟
ورقة : إيه .. رحت لبيتهم وطفينا اللمبات بملحقهم وولع اللمبة الحمرا وجاب العود وسجلنا الأغنية وهالحين أبسمعك الأغنية عسى قلبك القاسي يلين .
الجنط : هات بسرعة ؟
ورقة : تشيك تشيك << يشغل المسجل
أنت وين هو بوه والحب وين هوبه ؟
ظالمه .. ليه دايم معاااك ؟
أنت لو حبيت يومين
دريرم
تسان هواك خلاك رهيب
دييير ررم

أنت مابينك وبين الحب برحة
آآآآآآآآآآهـ
برحة ماطّولها ولا حتى بهلكسك
داريرم
الجنط : تكفى طفه الله يرحم والديك قسم بالله جاني شد عظلي بالأذن الوسطى .
ورقة : ليه حرام عليك قسم بالله رهيب ؟
الجنط : أي رهيب أنت ووجهك صدق الي مسميه كنداسة لا وكنداسة جمس بعد .
ورقة : طيب خل أسمعك الثانية .
الجنط : يالله أخلص .
ورقة : تشيك تشيك
أتشقلب على جمر الغضى
أتشقلب أتشقلب
بس قولي تسلمتين
بس قولي تسلمتين ..
الجنط : اقلب وجهك << تسلمتين

طوط طوط طوط طوط طوط

المكان : نيويورك .
الساعة : 2,15 فجراً.

طوووووووووووط طووووووووووط
جون كوين : ألو مرحبا .. أنا السيد جون السكرتير الأول للسيد أوباما .. أعتذر على الاتصال في هذا الوقت ولكن أريد التحدث للسيد أوباما لأمر طارئ .
مرة أوباما : حسناً حسناً .
أوباما : ألو .. أهلاً جون .
جون : أعتذر سيدي ولكن الأمر طارئ .
أوباما : لابأس لابأس .. مالأمر ياجون ؟
جون : وصلتني أخبار أكيدة أن هيلاري كلينتون فازت بولايتي ( نيوانغلند ) و ( رود آيلند ) .
أوباما : ماذا تقول ؟
جون : هيلاري فازت في ولايتين ولابد أن نتدارك الأمر .
أوباما : حسناً ... أطلب جميع مندوبينا ومنسقي حملتنا الانتخابية وأخبرهم أن هناك اجتماع في مكتبي الآن .
جون : إن شاء الله طال عمرك<< نصاااااااااب

وبعد خمس وأربعين دقيقة إلا كل المندوبين والمنسقين موجودين في مكتب أوباما وسووا اجتماع طارئ لبحث هالمسألة الخطيرة ، وبعد ساعتين من النقاشات اقترح عليهم جون كوين سكرتير أوباما هالاقتراح :
جون : والله ياجماعة الخير أنا أشوف إن الأمور مدحدرة ولا عاد بقى ولايات إلا ولاية تكساس وأنتم تعرفون إن ولاية تكساس ولاية كبيرة وأكيد إذا فزنا فيها بترجح كفتنا بالانتخابات .
أوباما : خابرين .. بس وش السواة ؟ وشلون نكسب أصواتهم ؟
جون : أنا أعلمك طال عمرك .. الخميس والجمعة الي راحن زرقت لتكساس وشفت وش الوضع .
أوباما : هاه وش شفت ؟
جون : تعرفون إن أغلب سكان تكساس خوال والا شبهات من المكسيك وكولومبيا وأمريكا الجنوبية عموماً ، وهذولا يبون لهم طريقة خاصة عشان نكسب أصواتهم ، وبعد التفكير مالقيت غير هالطريقة الي بقولها لكم وهي اقتراح إن قبلتوه زين على زين وإن مالقبلتوه بكيفكم .
أوباما : طيب وش هالطريقة ؟
جون : تعرف د. جنط السفينة ؟
أوباما : أكييييييييييد .. فيه أحد مايعرف أحسن واحد بالعالم ؟ ، بس وش دخلوه بالانتخابات ؟
جون : أنا أقولك وش دخله .. أنا يوم رحت لتكساس تمشيت بالحواري وتعرفت على ناس كثار وعرفت شي مشترك بينهم كلهم .
أوباما : وشو ؟
جون : كلهم يحبون د. جنط السفينة .. وهذا من صالحنا .. يعني نتفق مع د. جنط إنه يجي ويسوَّق لحملتنا الانتخابية في تكساس .
أوباما : طيب وأنت تضمن إن د. جنط السفينة يوافق يجي يسوق حملتنا ؟
جون : إيييييه يارجال .. الجنط ذا ماعنده ضمير ومستعد يتسذب وإلا يسوي أي شي بس أنت عطه كامري وإلا هلكس .. لا وأزيدك من الشعر بيت .. الجنط أصلاً دارسن المتوسط والثانوي بكولومبيا يعني كل الشبهات حقين كولومبيا يعرفونه .
أوباما : عز الله إنك جبتها .. خلاص ياجون نسق مع الجنط وعطوه الي يبي بس لازم يجي ترى مابقى الا أسبوع واحد وتنتهي الانتخابات .
جون : أبشر طال عمرك .