ياللي زعلت ازعل ولاني مراضيك اشرب مدر ماء البحر كانه ارضاك
و لاتحسبني عقب صدك بداريك بعز نفسي عنك مدراك مدراك
ياما من سنين وانا متحمل تغليك من شانك ومن شان قلب اغلاك
خليتني واليوم والله لا اخليك وادوس قلبي لين يقول خلاك
قبل توريني الحسايف بوريك لين قال فلان هانك ووراك
كانك تحداني وابقبل تحديك وانسى عن الغرام الماضي واتحداك
ماني قيل عسى الله يهنيك الله يحرمك كل ما كان هنآك
عسى العمى يا خاين العهد يعميك جاك الغرام الي عن الماضي آعماك
وعساك ما تسمع قريب يناديك حيثك تجاهلت صوت محروم ناداك
وعسى الشلل يعوق رجل تمشيك لين تندم ليش غيرك ممشاك
وعساك ما تفرح وتكثر بلاويك وآمك تشق الجيب من عظم بلواك
وإذا مت جعلك جهنم تصاليك نار الجحيم ونار دنياك تصلاك
الله يكره فيك حتى دوانيك غشاش خاين من الناس داناك
هذي النهاية روح والله يجازيك امسك يومك عن الغد يجزاك
السبت مايو 24, 2008 12:18 am
